Fiesta fin de curso

18 de junio de 2019

Tiene que ñ’habé días pa to, no solo del traballo vive el home. Asinas que el último día d’ensayo lo van convertí en tarde-noche de cena y charradas. Estaban toz, solo mos van faltá Víctor y Antonio que no van podé acudí.

M. José mos va ofrecé el suyo jardín, ¡que ben que van está! De seguro que repetín.

Aquí teniz las fotos y selfies pal recuerdo:

Anuncios

Y en Sariñena

Con la coral de Sariñena tenim una relación muy especial perque durante un tiempo van compartí el mismo director, al nuestro paisano Antonio Gil, cosa que va propiciá unos encuentros aquí en Estadilla. Nusatros les debebam la visita. Per fin este mes de junio ha podiu sé.

Van cantá en la iglesia de El Salvador el domingo 2 de junio. Feba una tarde calurosa, d’ixas anguniosas que en don milló se está é en casa, pero aún con ixo, la chen va llena la iglesia.

Y dispués, como é de rigor, buena lifara con los monegrinos y buenos cantos… Si é lo que dim, ¡cuánto fa per la armonía entre la chen el cantá chuntos!

En Torreciudad

El curso 2018-19 ha culminau a rebutí de actuacions. Asinas, a las que venín fen a lo llargo del año (Navidad, Águedas, Carrodilla, fiestas de abril y Binaced) este año hem recibiu a la coral Versa de Binéfar, mos hem iu a cantá al santuario de Torreciudad y hem visitau a la coral de Sariñena, tornanles una visita que tenibam muchas ganas de fé.

Cantá en Torreciudad va sé una experiencia emocionante, sobre to cuan Maite Aranzabal mos va acompañá con el impresionante órgano del santuario. Agradecem la cariñosa acogida que mos va fé. ¡Gracias per invitamos, tenim un recuerdo ben majo d’ixe maitino!

El coro junto al órgano
Reseña en el Diario del Altoaragón