Conmemoración y dobllete

2 d’abril y décimo aniversario. Trobada de corals. Graus, Sariñena y Estadilla. Se mos antoja tó un simbolismo: la montaña, la tierra pllana y el prepirineo cantán chuntos.  ¡Qué verdá é ixa que dice que la musica une los pueblos! No ñ’hai que sé exageraus, que toz son de Huesqueta, dirá u pensará l’amable lector/a. Sí, sí, asinas é, pero de unas huesquetas ben diferentes geográfica, económica e historicamén: Ribagorza, Monegros y Somontano (cllaro que no hem d’olvidá que la historia estadillana está unida a la ribagorzana). Ixa variedá é una de las nuestras riquezas.

Si amás pensán que, per lo que saben, en la coral de Graus canta chen de más allá de las fronteras pirinencas; a la d’Estadilla se mos ha uniu fa poco Víctor, de Lo Grau y “medio” alemán (benveniu Víctor), Chuan de Fonz se mos arrima siempre que puede, y la canaria Mónica tamé; de Sariñena no din res, per que res saben, pero de seguro que algo parecido les pasa… pos ixo, que la musica “es lo que tiene”.

Dixan-mos ya de preámbulos, la crónica de lo aconteciu viene a sé la siguiente: primero van cantá los de Estadilla. A reseñá los solos de Mónica y Ana Rosa, que ya en la Carrodilla se mos va estrená de solista. ¡Olé per las dos! Dispués van cantá los de Sariñena, dirigius pel mismo directó, el estadillano Antonio. Y van acabá los de Graus que, seguntes va dí la suya directora, Noelia, grausina, van fe un repertorio más intimista. Como é de rigor van acabá cantán las tres corals, dirigidas en la última (Ave María de Rodríguez) per  José A. González. Los d’Estadilla recordaban asinas otros tiempos…

Un gran encuentro. La chen que llenaba l’iglesia, contenta. Como siempre, gracias per la suya presencia y aplausos.

Y merendola de confraternización gracias a la generosidá de l’ayuntamiento d’Estadilla.

3 d’abril y canto en la misa. Al día siguiente, ya solez los d’Estadilla, van cantá la misa per que eban las fiestas d’abril. Solos de Ana Rosa, Mónica, Ignacio y David. Y otra novedá que va gustá mucho: mos va acompaña al violín César Salinas. La chen, emocionada. Gracias César, esperán contá con tú en venideras ocasions.

Pa que quede memoria de lo aconteciu tenín las fotos que mos va fe Tamara Marbán, periodista, fotográfa, música y estadillana andante. ¡Muchísmas gracias nina! Son las que veyez aquí:

Último canto, dirigius per José Antonio.

Último canto, dirigius per José Antonio.

Cantos finals. Las tres corals.

Cantos finals. Las tres corals.

Coral de Graus.

Coral de Graus.

Voces de la Coral de Sariñena.

Voces de la Coral de Sariñena.

Coral de Sariñena.

Coral de Sariñena.

Ana Rosa. Solista.

Ana Rosa. Solista.

 

¡Empezan!

¡Empezan!

Mónica Lorenzo, cantán un solo.

Mónica Lorenzo, cantán un solo.

Sopranos.

Sopranos.

Coral Statella.

Coral Statella.

Sopranos y dos directós: Antonio J. Gil y José A. González escuchán.

Sopranos y dos directós: Antonio J. Gil y José A. González escuchán.

Coral Statella.

Coral Statella.

 

 

2006-2016: 10 años de coral estadillana

La nuestra coral va nacé en 2006, al tiempo que la Escuela de Música que l’ayuntamiento d’Estadilla va meté en funcionamiento. Al recllamo de cartels anunciadós repartius per tol pueblo, un grupo de mullés van sé las primeras que se van animá a cantá en coro. Roberto Barranco va sé el primer director. D’ixa temporada é la foto de debaixo. Como veyez, encara no s’eba decidiu uniforme, las camisas son bllancas y los pantalons oscuros, sin más adornos…

Las pioneras en 2006.

Las pioneras en 2006.

A estas cantoras, que las llamarén “las formidables pioneras”, tenín que agradecé-les que la formación germiná-se y crecé-se, crecé-se… hasta hoy. Las nombrarén, d’izquierda a drecha son: Celes, Lina, Isabel, Ana Rosa, Inés, Elena, Pili, Gloria, Fineta, Carmen y Remedios. A ellas se van chuntá dispués otras dos: Tere y Pili. Este nuevo grupo ya va optá per una vestimenta de camisa naranja y fular a chuego, con pantalón negro, tal y como podez veyé en esta otra foto:

Todavía solo mujeres, en el año 2008.

Encara solo mullés, en el año 2008.

El resto ya lo sabez, está en la página de presentación d’esta web.

Pero eñ’hai que recordá a voces que van está con nusatros y ahora, per las razons que seigan, ya no cantan en la coral. Saben que contan con el nuestro agradecimiento per la suya presencia y tiempo Remedios de casa el Cholo, Tere del Chapi, Pilar de casa l’Habanero, Loli, Rosita de casa Ubiergo, Juan el Chapi, Miguel A. Ballarín, Manuel de casa Jollau… ¡a ve si podez torná-ye! Merece un recuerdo muy sentido nuestro querido Mariano Ubiergo.

Con toz esperán reuní-mos el sábado día 2 que conmemorarén estos diez años de cantos y ensayos. Y tamé con los anteriors directors, Roberto y José Antonio.

Pero ixo será dispués del “Encuentro de corals” que hem preparau pa este mismo día. Con dos formacions de lujo, la de Graus y la de Sariñena:

concierto 10 aniversario

 

El evento, como se dice ahora, mos tiene muy emocionaus. ¡Qué de ganas tenín de compartí cantos y charlas con los nuestros compañeros y amigos grausinos y sariñenenses! Ya tos lo contarén, ya.